Facebook lidlarini Kommo CRM'ga yuboring
Kommo — amoCRM'ning xalqaro nomi, ya'ni ulanish ham bir xil ishlaydi. Har bir lid voronkangizda yangi bitim bo'lib paydo bo'ladi.
Kommo'ga lidlarni qanday ulash
«Ulanishlar»da Facebook'ni ulang
«Profil ulash» → Facebook. Brauzer Facebook sahifasiga o'tadi va qaysi sahifalarga ruxsat berishni so'raydi — parolingiz Yuboraman'ga ko'rinmaydi. Qaytgach hisobingiz «Lid manbalari» ro'yxatida turadi.
«Yangi integratsiya»ni bosing va manbani tanlang
Integratsiyalar bo'limida «Yangi integratsiya»ni bosing. «Lid qayerdan keladi?» savolida Facebook / Instagram ni belgilang va Sahifa hamda Forma ro'yxatidan keraklisini tanlang — Facebook hisobi bitta bo'lsa, u o'zi tanlanadi. Lid o'z saytingizdan kelsa — «O'z saytingiz» ni tanlaysiz va tizim webhook manzilini beradi.
Forma nomi va Telegram xabarini sozlang
Asosiy sozlamalarda formaga nom bering. «Telegram'ga xabar yuborish» yoqiq qolsa, lid Kommo'ga tushgani bilan sotuvchiga Telegram'dan ham xabar boradi.
Maqsadli sayt sifatida amoCRM / Kommo ni tanlang
Ro'yxatdagi «amoCRM / Kommo» bandi ikkala brendga ham ishlaydi — Kommo amoCRM'ning xalqaro nomi, API'si bir xil. Akkaunt manzilini kommo.com domeni bilan kiritasiz, masalan https://mycompany.kommo.com.
JWT tokenni oling va voronkani tanlang
Kommo'da: Sozlamalar → Integratsiyalar → Qo'shish. Chiqqan tokenni Yuboraman'ga qo'ying — voronkalar, bosqichlar va mas'ul foydalanuvchilar ro'yxati o'zi yuklanadi. Lid qaysi bosqichga tushishini tanlab saqlaysiz.
Video darslik
Videoda amoCRM ko'rsatilgan. Kommo — o'sha tizimning xalqaro nomi, shuning uchun ulash va sozlash bir xil.
9-dars
Facebook formadan lidlarni amoCRM'ga yuborish
amoCRM akkauntini ulash, forma maydonlarini amoCRM maydonlariga moslash, lidni kerakli voronkaga tushirish, kontakt va bitim sozlamalari. Oxirida ulanish sinab ko'riladi.
Davomiyligi:
Muallif: Bahodirjon Siddiqov, targetolog
Imkoniyatlar
amoCRM bilan bir xil imkoniyatlar
Voronka tanlash, maxsus maydonlar, kontakt tuzish — hammasi bir xil ishlaydi.
Xalqaro domen
kommo.com domenidagi akkauntlar ham, amocrm.ru domenidagilar ham qo'llab-quvvatlanadi.
Bir vaqtda boshqa manzilga ham
Lidni Kommo'ga va, masalan, Telegram guruhiga birdan yuborish mumkin.
Ko'p so'raladigan savollar
Kommo va amoCRM farqi bormi?
Texnik jihatdan bir xil tizim — Kommo uning xalqaro nomi. Ulanish va sozlash bir xil.
Qaysi domenlar qo'llab-quvvatlanadi?
kommo.com va amocrm.ru domenlaridagi akkauntlar ishlaydi.
Maxsus maydonlarga yozsa bo'ladimi?
Ha, akkauntingizdagi barcha maydonlar ro'yxatda chiqadi.