Facebook lidlarini Telegram'ga avtomatik yuboring
Har bir yangi lid Telegram botingizga yoki sotuv guruhingizga kelishi bilan tushadi. Operator telefonidan darhol ko'radi va qo'ng'iroq qiladi — lid sovib ulgurmaydi.
Telegram'ga lidlarni qanday ulash
«Ulanishlar»da Facebook'ni ulang
«Profil ulash» → Facebook. Brauzer Facebook sahifasiga o'tadi va qaysi sahifalarga ruxsat berishni so'raydi — parolingiz Yuboraman'ga ko'rinmaydi. Qaytgach hisobingiz «Lid manbalari» ro'yxatida turadi.
«Yangi integratsiya»ni bosing va manbani tanlang
Integratsiyalar bo'limida «Yangi integratsiya»ni bosing. «Lid qayerdan keladi?» savolida Facebook / Instagram ni belgilang va Sahifa hamda Forma ro'yxatidan keraklisini tanlang — Facebook hisobi bitta bo'lsa, u o'zi tanlanadi. Lid o'z saytingizdan kelsa — «O'z saytingiz» ni tanlaysiz va tizim webhook manzilini beradi.
Forma nomi va Telegram chatni kiriting
Asosiy sozlamalarda formaga nom bering, «Telegram'ga xabar yuborish» yoqiq turganiga ishonch hosil qiling va chat ID ni qo'ying. Guruh ID minus bilan boshlanadi (masalan -1001234567890) — botni guruhga qo'shib /start yozsangiz, bot ID ni o'zi qaytaradi.
Yetkazuvchi botni belgilang
Standart holatda xabarlar «Asosiy bot (Yuboraman.uz)» orqali keladi. Pullik tarifda «Yangi bot ulash» orqali o'z botingizni qo'yasiz — shunda lidlar sizning brendingiz nomidan tushadi.
Maqsadli saytni tanlab saqlang
«Lead qayerga yuborilsin?» ro'yxatida Telegram ni tanlasangiz, xabarda qaysi maydonlar chiqishini o'zingiz belgilaysiz. CRM yoki CPA platformani tanlasangiz ham Telegram xabari o'chmaydi — lid ikkala joyga birdan boradi.
Video darslik
3-dars
Facebook formadan lidlarni Telegram'ga yuborish
Facebook lid formasini ulash, Telegram guruhini bog'lash va lidlar guruhga real vaqtda tushadigan qilib sozlash. Xabar shablonini moslash va sinab ko'rish ham bor.
Davomiyligi:
Muallif: Bahodirjon Siddiqov, targetolog
Imkoniyatlar
Manzil bilan yonma-yon ishlaydi
Telegram alohida manzil sifatida ham ishlaydi, CRM yoki CPA platformaga qo'shimcha sifatida ham. «Telegram'ga xabar yuborish» yoqiq qolsa, lid manzilga ketgani bilan sotuvchi uni chatda ham ko'radi.
Chat, guruh, kanal yoki forum mavzusi
Lidlarni shaxsiy chatga, sotuv guruhiga, kanalga yoki forum guruhining aniq mavzusiga yuborish mumkin.
Har forma uchun alohida manzil
Turli reklama formalarining lidlarini turli chatlarga yo'naltiring — hammasi bitta joyga tushishi shart emas.
Xabar shabloni sizniki
Qaysi maydon, qanday tartibda va qanday ko'rinishda chiqishini o'zingiz belgilaysiz. Telefon raqami bir bosishda nusxalanadi.
Bot uzilsa xabar beradi
Bot bloklansa, guruhdan chiqarilsa, admin huquqini yo'qotsa, chat yoki forum mavzusi o'chib ketsa — tizim sababini aytib ogohlantiradi. Guruh superguruhga aylanib Chat ID o'zgarsa ham xabar keladi, ya'ni lidlar jimgina yo'qolmaydi.
Telegram orqali boshqaruv
Kunlik reklama hisoboti ham, reklamani to'xtatish va qayta yoqish ham shu bot orqali ishlaydi — panelni ochish shart emas.
Ko'p so'raladigan savollar
Shaxsiy chatga ham, guruhga ham yuborsa bo'ladimi?
Ha. Bot ulangach ro'yxatdan kerakli chatni tanlaysiz: shaxsiy chat, sotuv guruhi, kanal yoki forum mavzusi.
O'z botimni ulash mumkinmi?
Ha. Platforma botidan foydalanish ham, o'z botingizning tokenini ulash ham mumkin. O'z botingiz bo'lsa xabarlar sizning brendingiz nomidan keladi.
Xabarda nima ko'rinadi?
Siz tanlagan maydonlar: ism, telefon, forma nomi, reklama nomi va lid bilan kelgan boshqa javoblar. Shablonni tahrirlash mumkin.
Bir vaqtda Telegram va CRM'ga yubora olamanmi?
Ha. Bitta lidni bir nechta manzilga birdan yuborish mumkin — masalan Telegram guruhiga va Bitrix24'ga.
Sozlash uchun dasturchi kerakmi?
Yo'q. Kod yozish ham, dasturchi jalb qilish ham kerak emas: Facebook'ni ulaysiz, chatni tanlaysiz va saqlaysiz.