Asosiy kontentga o'tish

Facebook lidlarini OlchaMarket.uz'ga avtomatik yuboring

Forma to'ldirilishi bilan lid OlchaMarket.uz'ga buyurtma bo'lib ketadi — ism, telefon, mahsulot ID va oqim kaliti bilan. Sayt buyurtma raqamini qaytaradi, rad etsa — sababini aytadi; ikkalasi ham har bir lid bilan Telegram'ga keladi.

Facebook Lead Ads
Yuboraman
OlchaMarket.uz

OlchaMarket.uz'ga lidlarni qanday ulash

  1. «Ulanishlar»da Facebook'ni ulang

    «Profil ulash» → Facebook. Brauzer Facebook sahifasiga o'tadi va qaysi sahifalarga ruxsat berishni so'raydi — parolingiz Yuboraman'ga ko'rinmaydi. Qaytgach hisobingiz «Lid manbalari» ro'yxatida turadi.

  2. «API Kalitlar»ga OlchaMarket.uz kalitini qo'shing

    Raqamlardan iborat API kalit OlchaMarket.uz kabinetida, «API hujjatlari» menyusida turadi. Yuboraman'da «Yangi API kalit»ni bosing, kalitga nom bering, «Sayt» ro'yxatidan OlchaMarket.uz ni tanlang va kalitni qo'ying. Kalit bir marta qo'shiladi — integratsiyada u o'zi tanlanadi.

  3. «Yangi integratsiya»ni bosing va manbani tanlang

    Integratsiyalar bo'limida «Yangi integratsiya»ni bosing. «Lid qayerdan keladi?» savolida Facebook / Instagram ni belgilang, so'ng reklamangiz turgan Sahifa va lid Formasini tanlang — Facebook hisobi bitta bo'lsa, u o'zi tanlanadi.

  4. Forma nomi va Telegram xabarini sozlang

    Integratsiyaga tushunarli nom bering — masalan, mahsulot nomi. Telegram chat tanlangan bo'lsa, har bir lid va OlchaMarket.uz javobi shu chatga keladi.

  5. Maqsadli sayt sifatida OlchaMarket.uz ni tanlang

    «Lead qayerga yuborilsin?» ro'yxatining qidiruviga «olcha» deb yozing va OlchaMarket.uz ni tanlang — «API Kalitlar»da qo'shgan kalitingiz «API Key» ro'yxatida o'zi tanlanadi.

  6. Mahsulot ID va oqim kalitini kiriting va saqlang

    Mijozning ismi va telefon raqami forma maydonlariga o'zi bog'lanadi. «API hujjatlari» sahifasidagi «Faol oqimlaringiz» jadvalidan oqim kalitini — harf va raqamlardan iborat 8 belgili kodni — «Oqim ID» maydoniga, «Mavjud mahsulotlar» jadvalidan mahsulot ID sini «Mahsulot (offer) ID» ga yozing va saqlang. Hamma maydon majburiy — biri bo'sh qolsa, integratsiya saqlanmaydi.

Video darslik

Yuboraman.uz → OlchaMarket.uz integratsiyasi

OlchaMarket.uz integratsiyasini sozlash: Facebook sahifani ulash, kerakli lid formasini tanlash va lid ma'lumotlarini yuborish. Test lid bilan tekshiriladi va yangi lid kelganda nima bo'lishi ko'rsatiladi.

Davomiyligi:

Muallif: Yuboraman

Imkoniyatlar

Kerakli hammasi bitta sahifada

API kalit, oqim kalitlari va mahsulot ID lari OlchaMarket.uz kabinetidagi «API hujjatlari» sahifasida turadi. Oqim kaliti raqam emas, 8 belgili kod — uni jadvaldan nusxalab qo'ying.

Buyurtma raqami yoki xato — Telegram'da

Buyurtma qabul qilinsa, OlchaMarket.uz uning raqamini qaytaradi; rad etsa, sababini «stream noto'g'ri!» kabi qisqa xabar bilan aytadi. Ikkalasi ham lid bilan birga Telegram chatga keladi.

Lid yo'qolmaydi

Sayt vaqtincha javob bermasa, lid saqlanib turadi: tizim uni uch marta yuborib ko'radi, o'xshamasa sababini Telegram'ga yozadi va keyingi 24 soat davomida har soatda yana urinadi.

Bitta kalit — har mahsulotga alohida integratsiya

Kalit «API Kalitlar»da bir marta qo'shiladi. Bir nechta mahsulot sotsangiz, har biriga alohida integratsiya ochasiz — kalit o'zi tanlanadi, faqat mahsulot va oqim ID boshqa bo'ladi.

Ko'p so'raladigan savollar

API kalit, oqim kaliti va mahsulot ID qayerdan olinadi?

Uchalasi ham OlchaMarket.uz kabinetidagi «API hujjatlari» menyusida: API kalit sahifaning o'zida, oqim kalitlari «Faol oqimlaringiz» jadvalida, mahsulot ID lari «Mavjud mahsulotlar» jadvalida. API kalitni Yuboraman'dagi «API Kalitlar» bo'limida bir marta qo'shasiz.

«Oqim ID» maydoniga oqim raqamini yozsam bo'ladimi?

Yo'q. Maydon «Oqim ID» deb atalgan bo'lsa ham, OlchaMarket.uz oqimni raqam bilan emas, oqim kaliti bilan taniydi — harf va raqamlardan iborat 8 belgili kod. Uni «Faol oqimlaringiz» jadvalidan aynan nusxalab qo'ying.

Buyurtma holati Yuboraman'ga qaytadimi?

Hozircha yo'q: OlchaMarket.uz buyurtma holatini yubormaydi. Lid yuborilgani va saytning javobi Telegram'da ko'rinadi.

Telegram'da xato chiqdi — nimani tekshirish kerak?

Xato matni nimani tuzatishni aytadi: «api_key noto'g'ri!» — kalit xato, «stream noto'g'ri!» — oqim kaliti xato yozilgan, «stream api_key ga mos emas!» — oqim boshqa akkauntniki, «offer_id noto'g'ri!» — mahsulot ID xato. «name yuborilmadi!» yoki «phone yuborilmadi!» chiqsa, lidda ism yoki telefon yo'q — forma maydonlari bog'langanini tekshiring. To'g'ri qiymatni «API hujjatlari»dan olib, integratsiyani tahrirlaysiz.

Boshqa manzillar

Lidlaringiz OlchaMarket.uz'da kutib tursin

Kod yozish kerak emas: ro'yxatdan o'ting, Facebook sahifangizni ulang va birinchi integratsiyani yoqing.