Facebook lidlarini Xavi.uz'ga avtomatik yuboring
Forma to'ldirilgan zahoti Xavi.uz'da buyurtma paydo bo'ladi — ism, telefon, mahsulot (offer) va oqim ID bilan. Xavi qaytargan buyurtma raqami har bir lid bilan Telegram'ga keladi.
Xavi.uz'ga lidlarni qanday ulash
«Ulanishlar»da Facebook'ni ulang
«Profil ulash» → Facebook. Brauzer Facebook sahifasiga o'tadi va qaysi sahifalarga ruxsat berishni so'raydi — parolingiz Yuboraman'ga ko'rinmaydi. Qaytgach hisobingiz «Lid manbalari» ro'yxatida turadi.
«API Kalitlar»ga Xavi.uz kalitini qo'shing
«Yangi API kalit»ni bosing: kalitga nom bering, «Sayt» ro'yxatidan Xavi.uz ni tanlang va kabinetingizdagi API kalitni qo'ying. Kalit bir marta qo'shiladi — integratsiyada u o'zi tanlanadi.
«Yangi integratsiya»ni bosing va manbani tanlang
Integratsiyalar bo'limida «Yangi integratsiya»ni bosing. «Lid qayerdan keladi?» savolida Facebook / Instagram ni belgilang, so'ng reklamangiz turgan Sahifa va lid Formasini tanlang — Facebook hisobi bitta bo'lsa, u o'zi tanlanadi.
Forma nomi va Telegram xabarini sozlang
Integratsiyaga tushunarli nom bering — masalan, mahsulot nomi. Telegram chat tanlangan bo'lsa, har bir lid va Xavi.uz javobi shu chatga keladi.
Maqsadli sayt sifatida Xavi.uz ni tanlang
«Lead qayerga yuborilsin?» ro'yxatining qidiruviga «xavi» deb yozing va Xavi.uz ni tanlang — «API Kalitlar»da qo'shgan kalitingiz «API Key» ro'yxatida o'zi tanlanadi.
Offer va oqim ID ni kiriting va saqlang
Mijozning ismi va telefon raqami forma maydonlariga o'zi bog'lanadi. «Mahsulot (offer) ID» ga kabinetdagi mahsulot sahifasidan, «Oqim ID» ga oqim (stream) sahifasidan raqamni yozing va saqlang — keyingi lid buyurtma bo'lib tushadi.
Video darslik
Yuboraman.uz → Xavi.uz integratsiyasi
Xavi.uz integratsiyasini bosqichma-bosqich sozlash: Facebook sahifani ulash va kerakli lid formasini tanlash. Test lid bilan tekshiriladi va yangi lid Xavi.uz'ga qanday tushishi ko'rsatiladi.
Davomiyligi:
Muallif: Yuboraman
Imkoniyatlar
Offer va oqim — ikkalasi ham
Xavi.uz buyurtmani mahsulot (offer) ID va oqim ID bilan qabul qiladi. Katalogda ikkalasi ham majburiy: biri bo'sh qolsa, integratsiya saqlanmaydi — chala buyurtma ketmaydi.
Buyurtma raqami Telegram'da
Xavi har bir qabul qilingan buyurtmaga raqam qaytaradi. U lid bilan birga Telegram chatga keladi va lid bilan saqlanadi.
Lid yo'qolmaydi
Xavi.uz vaqtincha javob bermasa, tizim lidni uch marta yuborib ko'radi va o'xshamasa, sababini Telegram'ga yozadi — keyin ham 12 soatgacha har soatda qayta urinadi.
Har mahsulotga — alohida integratsiya
Bir nechta mahsulot sotsangiz, har biriga alohida integratsiya ochasiz: kalit bitta va o'zi tanlanadi, faqat offer va oqim ID boshqa.
Ko'p so'raladigan savollar
Offer ID va oqim ID qayerdan olinadi?
Ikkalasi ham Xavi.uz kabinetingizda: offer ID — mahsulot sahifasida, oqim ID — oqim (stream) sahifasida. API kalitni esa Yuboraman'dagi «API Kalitlar» bo'limida bir marta qo'shasiz.
Buyurtma holati Yuboraman'ga qaytadimi?
Hozircha yo'q: Xavi.uz buyurtma holatini yubormaydi. Buyurtma raqami va saytning javobi Telegram'da ko'rinadi.
Bitta lid ikki marta buyurtma bo'lib ketmaydimi?
Sayt javobida buyurtma allaqachon borligi aytilsa, Yuboraman uni qayta yubormaydi — lid «allaqachon mavjud» deb belgilanadi va Telegram xabarida shunday ko'rinadi.
Oqim va offer mos kelmasa nima bo'ladi?
Sayt oqim yoki offer ID ni rad etsa, xato sababi Telegram xabarida ko'rinadi. Kabinetdan to'g'ri raqamni olib, integratsiyani tahrirlaysiz.