Facebook lidlari CSV'siz Google Sheets'ga: 90 kun chegarasi
3 daqiqa o'qish
Ibrohim Bultakovasoschi
Bepul boshlashLidlarni CSV qilib yuklab, jadvalga qo'lda qo'shish — har kuni takrorlanadigan ish. Uni bir marta sozlasangiz, har lid jadvalga o'zi yangi qator bo'lib tushadi.
CSV yuklab olish nega yetmaydi
Meta yordam markazining o'zi aytadi: lid ma'lumotlarini forma to'ldirilgan paytdan boshlab ko'pi bilan 90 kun yuklab olish mumkin. Undan eski lidlar Ads Manager natijalarida sanalaveradi, lekin yuklab olinadigan faylga tushmaydi.
Qo'lda eksportning ikkinchi muammosi — kechikish: lid jadvalga kimdir faylni yuklab olgandagina tushadi. Avtomatik yozuvda esa u forma to'ldirilishi bilan jadvalda bo'ladi.
Yuboraman'da qanday ishlaydi
Google Sheets integratsiyasida Google akkauntingiz Google'ning o'z oynasi orqali ulanadi, jadval esa Google'ning fayl tanlagichidan tanlanadi yoki yangisi ochiladi. Shundan keyin:
- Har lid jadval oxiriga bitta yangi qator bo'lib qo'shiladi — mavjud ma'lumotlarga tegilmaydi
- Har ustunga nom berasiz va unga forma maydonini yoki doimiy qiymatni tanlaysiz; ustunlar tartibini ham o'zingiz belgilaysiz
- Manba, Sana va Holat ustunlarini qo'shish mumkin — ular har lidda o'zi to'ldiriladi
- Qiymatlar matn sifatida yoziladi: Google telefon raqamini songa aylantirmaydi, boshidagi + ham, 0 ham yo'qolmaydi
- Varaq nomini o'zgartirsangiz ham yozuv to'xtamaydi — varaq nomi bo'yicha emas, ichki ID si bo'yicha topiladi
- Yozish xatoga uchrasa, tizim qayta urinadi
- Turli formalarning lidlarini turli jadvallarga yoki varaqlarga yuborish mumkin
Xohlasangiz, lid jadvalga tushishi bilan Telegram'ga ham xabar keladi.
Yangi jadval, bo'sh varaq yoki to'ldirilgan varaq
Yangi jadval ochilsa, unda «Leads» varag'i tayyorlanadi: sarlavha qatori, formatlash, Holat ustuni uchun tanlov ro'yxati va umumiy ko'rsatkichlar varag'i.
Mavjud jadval tanlansa va siz ko'rsatgan varaq unda bo'lmasa, varaq qo'shiladi. Varaq bo'sh bo'lsa, unga ham sarlavha qatori va formatlash qo'yiladi.
Varaqda ma'lumot bor bo'lsa, unga tegilmaydi: lidlar siz belgilagan ustunlar tartibida qo'shilaveradi. Shuning uchun Yuboraman'dagi ustunlar tartibi varaqdagi sarlavhalar tartibiga mos bo'lsin — aks holda telefon «Ism» ustuniga tushib qolishi mumkin.
Google Sheets limitlari
Google Drive yordam sahifasiga ko'ra, bitta jadvalda 20 million katakchagacha yoki 100 MB gacha ma'lumot bo'lishi mumkin. Lid ko'p tushadigan bo'lsa, eski qatorlarni vaqti-vaqti bilan boshqa jadvalga ko'chirib turing.
Sheets API'da so'rovlar ham cheklangan: Google hujjatiga ko'ra, bitta loyiha uchun daqiqasiga 300 tagacha, bitta foydalanuvchi uchun daqiqasiga 60 tagacha yozish so'rovi. Chegaradan oshilsa, Google 429 xatosini qaytaradi va kutib, qayta yuborishni tavsiya qiladi. Yuboraman shunga amal qiladi: Google kutishni so'rasa, lid navbatda qoladi va keyin yoziladi.
Ruxsat va jamoa bilan ulashish
Yuboraman jadvalga siz ulagan Google akkaunti nomidan yozadi. Bu ruxsatni istalgan vaqtda Google akkaunt sozlamalaridan bekor qilish mumkin — shundan keyin lidlar jadvalga tushmay qoladi.
Jadvalni hamkasblarga ochish uchun Google'ning odatiy yo'li yetarli: ulashish tugmasi (Share), hamkasbning emaili va Editor roli. Google yordam sahifasiga ko'ra, bitta faylni 600 tagacha alohida email bilan ulashish mumkin, ish yoki o'quv akkauntlarida esa tashqi ulashish cheklangan bo'lishi mumkin.
Bir odam formani ikki marta to'ldirsa, bu ikki alohida lid — jadvalda ham ikki qator bo'ladi.
